Restriksjonsområde i luftrommet over Grøtsund i Tromsø kommune
Luftfartstilsynet har oppretta eit restriksjonsområde i luftrommet over Grøtsund i Troms, i samband med militær aktivitet i området. Restriksjonsområdet er fastsett gjennom forskrift.
Restriksjonsområdet er markert med blå sirkel på kartet nedanfor. Restriksjonsområdet har ein radius på 1 NM, og går frå bakken/vatnet og opp til 1000 fot over middels havnivå.
Restriksjonsområde i luftrommet over Grøtsund i Tromsø kommune. Foto: Forsvaret
Restriksjonsområdet vil vera gjeldande heile døgeret frå og med 20. november 2024 kl. 0100 til og med 30. november 2024 kl. 2359, lokal tid.
I denne perioden vil all flyging i restriksjonsområdet vera forboden. Forbodet gjeld også ubemanna luftfartøy og modellfly.
Operatørar som har særskilt behov for flyging kan ta kontakt med Forsvaret. Kontaktinformasjon vil bli publisert på NOTAM.
Det er gitt opning for særskilte tilpassingar for militær-, politi-, ambulanse- og søk- og redningsoppdrag. Desse kan koordinera flygingane med Forsvaret.